કેવું નહીં !

જમણો હાથ હંમેશા, મોં તરફજ લંબાય છે,

કેવું નહિ !

ડાબા હાથે હંમેશા, અશુભ કામ જ થાય છે!

કેવું નહિ !

પ્રિયજન, પોતાનાં થઈને,  હંમેશા મન દુભાવી જાય છે,

કેવું નહિ ! 

પારકાં અંગત થઈને, સાથ નિભાવી જાય છે,

કેવું નહિ !

દીપકની અખંડ જ્યોત, 

બળીને હંમેશા રાખ થઈ જાય છે,

કેવું, નહી..? 

અંધકાર દીવાની નીચે તોય, રેલાય જાય છે,

કેવું નહિ !

ખુશી હોય કે ગમ, 

આંખમાં કાયમ આંસુ આવી જાય છે, 

કેવું નહિ !

હૃદય અને આંખ, હંમેશા દોસ્તી નિભાવી જાય છે!

કેવું નહિ !

પ્રેમમાં પડેલાંઓનાં મન, 

તરત ઓળખાય જાય છે,

કેવું નહિ !

અધુરી “ચાહત”, હંમેશા યાદ રહી જાય છે.

કેવું નહિ !