જ્યારે હસે આમ તું
જ્યારે હસે આમ તું
1 min
13.4K
ફૂલો મહેંકાયા કરે જ્યારે હસે આમ તું,
ઉપવન ટહુકાયા કરે જ્યારે હસે આમ તું.
ચંદ્ર ભલે શરમાઇને સંતાય વાદળ મહીં,
રુપ તોય છલકાયા કરે જ્યારે હસે આમ તું.
આ પવનઝૂલે ઝૂલતાં વ્રુક્ષો ય જોને હસ્યાં,
ભમરા ય મલકાયાં કરે જ્યારે હસે આમ તું.
જો સાથ તારો હોય તો રસ્તો ગમે તે ન હો,
મન આજ હરખાયા કરે જ્યારે હસે આમ તું.
લઇલે ભલે મારી પરીક્ષા આજ મન ફાવતી,
'જશ' પ્રેમ પરખાયા કરે જ્યારે હસે આમ તું.