Buy Books worth Rs 500/- & Get 1 Book Free! Click Here!
Buy Books worth Rs 500/- & Get 1 Book Free! Click Here!

Ramesh Patel

Others


5.0  

Ramesh Patel

Others


જળ જમનાનાં કહેતાં

જળ જમનાનાં કહેતાં

1 min 441 1 min 441

ખળખળ વહેતાં, 

જળ જમુનાનાં કહેતાં,

કદમની ડાળીથી કૂદીને કાનજી,

હળવેથી મરકતો પૂછતો,

તું મને ભીંજવે કે હું તને ભીંજવું ?

આ કોયડો હજુય ના ઉકલતો.

 

મારે ને મોરલાને ભાઈબંધી રૂડી,

ઘાટ પર આવી ને નાચતા,

મયુર પીંછે  સોહે કાનજીને પૂછે,

થનથન નાચી કોણ કોને રે રીઝવતું ?

આ કોયડો હજુય ના ઉકલતો.

 

ચરાવી ગાયલડી બેસીને ઘાટ પર,

મીઠી વાંસલડી એ વગાડતો,

રૂમઝુમ હરખાતી રાધાજી આવતી,

કોણ કોનામાં ડૂબતું, એ ગોકુળિયું  પૂછતું,

આ કોયડો હજુય ના ઉકલતો.

 

વાહ રે ગોકુળ ને વાહ મારા વૃન્દાવન,

કોયડામાં બાંધે એ કાનજી,

ખળખળ વહેતાં, જળ જમુનાનાં કહેતાં,

આજ  રાણી યમુના રાજી રાજી.


Rate this content
Log in