ઝેલ તું ખેલ તું

જો ધ્રૂજ્યો હિમાલય લીલોછમ, ને વેરાય વાટે એવરેસ્ટ શિખરશબ્દ ધરાશાયી ને ખંડહર દે ખબર…ભર્યા છે ઉકળાટ જ અંદર..ઝેલ તું. 

કેમ કહેવું કે..આ કાળની થપાટ છે ! અશ્રુની રેલી વદે, આવી પડે એ રડે અવરને શું ખબર પડે, કે શું વીતે !..ઝેલ તું  

વિજ્ઞાન ખોલે ભેદ ઊંડો,ખસે છે તારી ભૂગર્ભ પ્લેટો છે જ નિરાધાર તું….ક્યાં જવાનો ? ઉભરાટ છે ધરતીકંપનો..ઝેલ તું ! 

બચ્યો છે તો, થા ઊભો હામથી અડચણો સામે વહેવા સરિતા બની મળતો જશે સાથ સાગર થવા તને કાળ નથી શીખ્યો  થોભવાનું..ઝેલ તું 

જાળવી લે, થઈ ધીર જો આ ક્ષણો ખંડહારોય ટહુકશે..ભૂલી બધું જશે શમી તાંડવો હસી ખંધુખેલ તું..ખેલ તું.. ખેલ તું.