હરિ હું માગું.
હરિ હું માગું.
1 min
226
ઉઘડતી આંખે દર્શન તારાં થાય હરિ હું માગું.
કાને નામ તારું સદા સંભળાય હરિ હું માગું.
શ્વાસ સરગમ આવનજાવન તારા નામે થાય,
ચરણ તારાં જ કામે ચાલી જાય હરિ હું માગું.
મનમંદિરે માધવ બિરાજે વિષય વાસના છૂટે,
દીનદુઃખીયાંની સેવા કરું સદાય હરિ હું માગું.
તારા ચહેરે હોય પ્રસન્નતા મારાં કર્તવ્યો દેખી ,
ના રહે ફરિયાદ પછી મારી કાંઈ હરિ હું માગું.
થાય સફળ માનવજન્મ તારી કૃપાદ્રષ્ટિ થકી,
નજર મારાં કદમ ઉપર મંડરાય હરિ હું માગું .