હળવાશ 3

દૂર રહુ હું છતાં આપની પાસ છું,

હું તમારી જ તો એ સખા ખાસ છું.

 ભૂસકો મારશો આપ સાગર મહીં,

 ના બુઝાવી શકો એ જ હું પ્યાસ છું.

 આપની જીંદગીમાં હસી રાખતી,

 એવી હું ટાઢક પમાડતી છાસ છું.

 તે રમેલી બહુ ચાલ બાજી અહીં,

 હારમાં જીતતી એ જ હું તાસ છું.

 જો જશો દૂર અમારા કનેથી તમે,

 આપની સંગ રમતો જ આભાસ છું.

 પ્રેમને કેમ લે છે તું હળવાશમાં?

 હું તમારા મહીં ચાલતો શ્વાસ છું.

પારકા માનશો ના "ચિન્ટુ"ને હવે,

લાખ નખરા સહી આપની દાસ છું.