ગુલે ગુલઝાર બની ગઈ
ગુલે ગુલઝાર બની ગઈ
આવે છે તું મૌસમનો પહેલો વરસાદ બની,
હરિયાળી કરી દે છે તું મારી હૈયાની નગરી.
ઈચ્છાઓની નવી કૂંપળ ફૂટે આ મનના વૃક્ષ મહી,
જાણે ! મહેકતો બાગ બની જાય છે આ હૈયાની નગરી.
પ્રેમની ઝરમર લાગણી વરસાવીને,
તું ધન્ય કરી દે છે મારી હૈયાની નગરી.
તારો સ્નેહ, લાગણી, પ્રેમ પામીને,
માલામાલ થઈ જાય છે આ હૈયાની નગરી.
ભીની ધરાની સાથે તરબોળ થયું આ તનમન,
મહેકથી તરબતર થઈ ગઈ આ હૈયાની નગરી.
ઠંડકનો અહેસાસ આપ્યો તે આ દિલની ધરાને,
રણ જેવી શુષ્ક હતી આ હૈયાની ધરા,
જાણે ! ગુલે ગુલઝાર બની ગઈ આ હૈયાની નગરી.