દિવાળી

એ વખતે કયાં ઘરવાળી હતી,

તોય ધમાકેદાર દિવાળી હતી, 

દીવેટો દીવાની ઘીવાળી હતી,

અમાસની એ રાત અજવાળી હતી,

ટીકડીઓ મારી મરદ મૂછાળી હતી,

તારામંડળને જિંદગીની જેમ ઉછાળી હતી,

દોસ્તી રેશમની ડોર જેવી સુંવાળી હતી,

મનના ભીના કંતાનથી યાદોને પલાળી હતી,

લાગતું જાણે ઘેર-ઘેર લ્હાણી હતી,

પાંચ-દસ રૂપિયાના વ્યવહારની ઉઘરાણી હતી,

હજી એ વાત કયાં પુરાણી હતી,

રોલની એ પિસ્તોલ કેવી રૂપાળી હતી,

ફટાકડાઓથી સંવારી જે રાત કાળી હતી,

સાચે જ, એ મજેદાર દિવાળી હતી.