છો ખરાં ?

પ્રિયજન સાથે ઘડીભર પણ રખડ્યાં છો ખરાં !

ને સ્વજન પાસે રહીને પણ ઝગડ્યાં છો ખરાં !

કોડિયું અજવાસ ભીતરમાં ભલે ના આપતું,

પણ તમે ક્યારેય અંતઃમાં ઝળક્યાં છો ખરાં !

દૂરના આકાશમાં તારા ખરી પડતાં રહ્યાં,

એ સિતારા જેમ આવાં પણ રઝળ્યાં છો ખરાં !

છાંયડો વડલાં તણો મીઠો મળ્યો ત્યાં હાશ થઈ,

આ ઉનાળે આપ વડ માફક સમજ્યાં છો ખરા !

શ્હેરનાં મારગ ઘણાં દોડ્યાં હશો હિંમત કરી,

ગામડાંની સીમમાં ક્યારે ભટક્યાં છો ખરા !

હાસ્ય પણ મોફૂક રાખીને ફર્યા કરતાં 'વિજય'

કોઈ મન માલિક સાથે પણ મલક્યાં છો ખરા !