છબછબિયાં

અણઆવડતે ખૂબ છલકાયો,

કોપીમાં મૌલિકતા ક્યાંથી આવે,

ખોટાં છબછબિયાં કરે અહીં;

મૌલિક વિચાર ક્યાંથી આવે.

સાહિત્યનાં નામે ચરતા અહીં,

 આવડતનાં નામે મીંડું અહીં;

ખોટાં હવાતિયાં મારતો અહીં,

જ્ઞાન વગર રચાય ક્યાંથી અહીં.

અલગ અલગ ગ્રુપોમાં દોટ મૂકે,

છબછબિયાં કરીને સ્ટેટ્સ મૂકે;

પ્રમાણપત્રો મેળવીને ધન્ય બને,

ખોટાં છબછબિયાં કરે શું વળે.

ભાવના શું કહેવું આ જગતને,

 સાહિત્યનાં સત્સંગી જગતને;

શબ્દો સિવાયના છબછબિયાં ને,

અર્થ વગરની કલમ ધૂમ મચાવે.

અણઆવડતે ખૂબ છલકાયો,

મૌલિક વિચાર ક્યાંથી આવે.