ચાંદ
ચાંદ
1 min
305
ચિંતાના ઉમટેલા વાદળો વચ્ચે તું ઘેરાયેલો ચાંદ છે,
ને કોણ જાણે આજે તારા ચહેરા ઉપર શાનો વિષાદ છે !
નભપત્ર ઉપર સૂચવે છે શું ? આજે સર્વે સિતારાઓ,
મને લાગે છે કે ચાંદની જ કોઈ ચમકતી ફરિયાદ છે !
નિસ્તેજ વદન, ઉદાસ ભાવ વચ્ચે એક હલકું ધૂંધલકું,
નક્કી મારા જેવા જ કોઈ ઘાયલ કવિનો આ ખ્વાબ છે !
શું થાત ખુદા, એ મરીઝ-એ-ઈશ્કનું જો ચાંદ જ ન હોત તો,
તું જ તો પાગલ પ્રેમીઓના દર્દ એ દિલનો એક રૂઆબ છે !
ઈંતજારની હદ પછી તું આવ કે ન આવ મરજી તારી,
મહોબ્બતમાં હવે જીવું કે મરૂં એવો ક્યાં કોઈ સવાલ છે !
એક 'પરમ' તડપ લઈ તડપું ન જાણે કેટલા જન્મોથી,
હર યુગે એકાંતના રણમાં મારો આમ જ 'પાગલ' પડાવ છે !