બાવળ છે આ ભાઈ

શબ્દ:- બાવળ(વૃક્ષ), આભ(આકાશ), મહેંદી (વૃક્ષ), ચકલી (પંખી), પાણી (જળ), જમીન (પૃથ્વી), વડ(વૃક્ષ)

મેદાન વચ્ચે ઊભું ઠૂંઠુ, બાવળ જેવું દેખાય છે, 

કાંટા એનાં અણીદાર એવાં, કેવી ચાડી ખાય છે! 

બાવળ છે આ ભાઈ, એનાં કાંટા વાગી જાય. હો.. 

બાવળ છે આ ભાઈ, એનાં કાંટા વાગી જાય.

નથી ઝાઝા પાંદડા એને, તો પણ ઊંચું જાય છે, 

અભિમાનથી અડગ, પામવા આભને જાય છે! 

બાવળ છે આ ભાઈ, એનાં કાંટા વાગી જાય. હો.. 

બાવળ છે આ ભાઈ, એનાં કાંટા વાગી જાય.

નથી આપતો ફૂલ, તો પણ કેમ હરખાય છે? 

મહેંદી જેવી ખૂશ્બુ નહીં, તોયે જોને હરખાય છે! 

બાવળ છે આ ભાઈ, એનાં કાંટા વાગી જાય. હો.. 

બાવળ છે આ ભાઈ, એનાં કાંટા વાગી જાય.

ન કોઈ પૂજે એને, ન તો માન આપતો જાય છે, 

તોયે ઠૂંઠુ કેવું, મનમાં ગર્વ કરતો જાય છે! 

બાવળ છે આ ભાઈ, એનાં કાંટા વાગી જાય. હો.. 

બાવળ છે આ ભાઈ, એનાં કાંટા વાગી જાય.

પૂછો ચકલીને કેમ, બાવળે માળો બંધાય છે? 

અણીદાર એવાં કાંટા વચ્ચેય, ઘર બંધાય છે! 

બાવળ છે આ ભાઈ, એનાં કાંટા વાગી જાય. હો.. 

બાવળ છે આ ભાઈ, એનાં કાંટા વાગી જાય.

નથી માંગતું પાણી, ન કોઈ ખાતર નંખાય છે, 

તો પણ એવું કાંટાળુ, જમીને કેવું ફેલાય છે! 

બાવળ છે આ ભાઈ, એનાં કાંટા વાગી જાય. હો.. 

બાવળ છે આ ભાઈ, એનાં કાંટા વાગી જાય.

"એન્જલ" પૂછે બાવળને, કેમ તું હરખાય છે? 

જાણી ઉપયોગ એના મન મારું હરખાય છે ! 

બાવળ છે આ ભાઈ, એનાં કાંટા વાગી જાય. હો.. 

બાવળ છે આ ભાઈ, એનાં કાંટા વાગી જાય.

મેદાન વચ્ચે ઊભું ઠૂંઠુ, બાવળ જેવું દેખાય છે, 

કાંટા એનાં અણીદાર એવાં, કેવી ચાડી ખાય છે! 

બાવળ છે આ ભાઈ, એનાં કાંટા વાગી જાય. હો.. 

બાવળ છે આ ભાઈ, એનાં કાંટા વાગી જાય.