બાળપણ

આજ ફરી એ દિવસો યાદ આવી ગયા,

દફતરનો ભાર આજે ઓફીસ બેગ એ લઈ લીધો,

ઘરમાં પગ મુકતાં સાથે,

તુટેલી એ ઢીંગલી જયારે હાથમાં આવી,

ત્યારેએ બાળપણની તાજી યાદો લાવી.

મમ્મીની સાડી પહેરીને ટીચર બનવું,

તો કયારેક ડોક્ટર કે વકીલ બનવું,

આજે ફરીએ દિવસોને એ જાણે સાથે લાવી.

ભુતકાળ જાણે વર્તમાનમાં જીવાતો હોય તેવું લાગ્યુ,

રમકડાની એ કાર જયારે આંખો સમક્ષ આવી,

જોઈ રસોડાની એ સજાવટ,

યાદઆવી તે કીચન સેટની બનાવટ.

ફળીયું તો જાણે આજે બોલી રહ્યુ હતું,

મારી બાળપણની કાલી-ધેલી વાતો કહી રહ્યુ હતું,

હાસ્ય સાથે ફરી ના મળનાર,

એ બાળપણની યાદ આજ રડાવી ગઈ,

દફતરનો એ ભાર જયારે ઓફીસ બેગ ઉપાડી ગઈ.