આશાની અમીરી

અંધકારને ઉજાસની વાટ,

આ ચાંદને ચકોરની વાટ,

શિયાળે ઊની રોટલીની,

ને ઉનાળે કેરીના મીઠા રાસની વાટ.

ચોમાસે આ બાજરાનો રોટલોને ભડથું,

ખેડૂતો તો બસ વાદળના ગરજવાની વાટ,

દુઃખમાં સુખની શહેનાઈની વાટ,

ગરીબને થોડા રૂપિયાની વાટ.

સાહેબ આ 'રાહ' જોવાની પણ એક અલગ મઝા નથી ?

મા-બાપ સંતાનના સુખી-સંસારની રાહ જુવે,

એક પ્રેમી પોતાની પ્રેમિકાના,

આગમનની આતુરતાથી રાહ જુવે.

સાત-સમુન્દર પાર એક ભાઈ,

બહેનની રાખડીની રાહ જુવે,

કોને કહું હું કે આ 'ઇન્તઝાર'

પછીની જે 'રાહત' હોય ને!

અહાહા.....

દાઝ્યા પર કોઈએ મલાઈનો,

લેપ લગાડ્યો હોય ને એવું લાગે બસ.