ପିଲାମାନେ ପଢିବା ଦରକାର
ପିଲାମାନେ ପଢିବା ଦରକାର
ଇଂରାଜୀ ପାଠ ପଢେଇବା ପାଇଁ
ମନରେ ଇଚ୍ଛା କଲି
ପିଲାଙ୍କୁ ମୋହର ଘରୋଇ ସ୍କୁଲରେ
ନାମ ଲେଖାଇ ଦେଲି l
ଭାବିଲି ଭଲ ପଢିବେ ପାଠ
ଧାର କରଜ କଲି
ଦିନରାତି ଖାଲି ପରିଶ୍ରମ କରି
ସପନ ରାଜ୍ୟେ ଭାସିଲି l
ପିଲା ପାଠ ପଢି ଡାକ୍ତର ହେବ
ଗାଁର ନା ରଖିବ
ଧାର କରଜ ସବୁ ଶୁଝିଦେଇ
ଭଲ ମଣିଷ ହେବ l
ଭାବନା ମୋହର ସ୍ବପ୍ନ ହେଇଗଲା
ପିଲା ବାଳୁଙ୍ଗା ହେଲା
ଘରୁ ପଇସା ଚୋରେଇ ନେଇ
ନିତି ପାଲା କଲା l
ମଦ ପିଇଲା ନିଶା ଖାଇଲା
ଝିଅଙ୍କ ପଛରେ ବୁଲି
ପାଠ ନାଆରେ ସିନେମା ଗଲା
ଉପାୟ ଶୂନ୍ୟ ହେଲି l
ଗରୀବଙ୍କ ପାଇଁ ସରକାରୀ ସ୍କୁଲ
ସବୁଠାରୁ ଅଟେ ଭଲ
ଓଡ଼ିଆ ପାଠକୁ ଛୋଟ ଭାବିକରି
କରିଥିଲୁ ଆମେ ଭୁଲ l
କେତେ ଯେ ଓଡ଼ିଆ ନାଁ ରଖିଛନ୍ତି
ଓଡ଼ିଆ ପାଠକୁ ପଢି
ଇଂରେଜ ପାଠୁଆ ପିଲାଙ୍କ ଠାରୁ
ଆଗକୁ ଯାଆନ୍ତି ବଢ଼ି l
ଡାକ୍ତର ଇଞ୍ଜିନିଅର କଲେକ୍ଟର ହୋଇ
ଗର୍ବ ଗୌରବ ଆଣି
ଶିକ୍ଷା ଗୁରୁଙ୍କର ଅବଦାନକୁ
ଦେଶରେ ଦିଅନ୍ତି ବୁଣି l
ଯେଉଁ ସ୍କୁଲରେ ପିଲା ପଢନ୍ତୁ
ଭଲ ଶିକ୍ଷକ ଲୋଡ଼ା
ପିଲାଙ୍କ ଉପରେ ସବୁ ନିର୍ଭର
ଚଢ଼ିବେ ନିଶ୍ଚେ ଘୋଡା l