ଜ୍ଞାନର ଆଲୋକ

ଜୀବନ ଦୀପ ରେ କଲମ ପ୍ରଦୀପ

ଅବିଶ୍ରାନ୍ତ ଚାଲୁଥାଏ

ସାରା ଜଗତରେ ଜ୍ଞାନର ଆଲୋକ

ପ୍ରଚାର ପ୍ରସାର ହୁଏ l

ଶାନ୍ତି ମୈତ୍ରୀ ପ୍ରୀତି ଏକତାର ବାଣୀ

ସଭିଙ୍କୁ ବୁଝାଉ ଥାଏ

ଦେଶର ଗୌରବ ଅଖଣ୍ଡତା ପାଇଁ

ଚିର ଜାଗ୍ରତ ରହେ l

ନିନ୍ଦା ଅପବାଦ ମିଥ୍ୟା ପ୍ରଚାର

ଭାରିଦୁଖଃ ଦେଉଥାଏ

ସ୍ନେହ ଶ୍ରଦ୍ଧା ଆଉ ଅମୃତର ବାଣୀ

ଚିର ନିଃସୃତ ହୁଏ l

ଆଦି ନାହିଁ ଯାର ଅନ୍ତ ବି ନାହିଁ

ଅଜ୍ଞାନ ଅନ୍ଧାର ଦୂର କରୁ ଥାଇ

ସତ୍ୟ ଅହିଂସାର ପୂଜାରୀ ହୋଇ

ସମସ୍ତଙ୍କ ଅତି ପ୍ରିୟ ସେହି l

ବିଚରା କଲମ ମଣିଷ ହାତରେ

ସଦାବେଳେ ନାଚୁଥାଏ

ନିଷ୍ଠୁର ମଣିଷ ସତ ମିଛ ଲେଖି

ପ୍ରତାରଣା କରୁଥାଏ l