କଳା ଗୋସେଇଁ

ଜାଣିନାହିଁ ମୁହିଁ ପୂଜାବିଧି ଆଉ

ଜାଣିନାହିଁ ମନ୍ତ୍ରପାଠ

ଧୂପଟିଏ ଜାଳେ ତୁମରି ଆଗରେ

ଡାକି ଜୟ ଜଗନ୍ନାଥ ।

ପାରୁନାହିଁ ବାଢ଼ି ତୁମରି ପାଇଁ ମୁଁ

ଷାଠିଏ ପଉଟି ଭୋଗ

ଯାହା ମୁଁ ଦେଉଛି ଭକତି ଭାବରେ

ନିଅ ପ୍ରଭୁ ଜଗନ୍ନାଥ ।

ଅଭାବୀ ମଣିଷ ଅଭାବରେ ରୁହେ

ଦେବି କିବା ଉପହାର

ଚରଣେ ତୁମର ଶରଣ ପଶୁଛି

ଦୀନବନ୍ଧୁ ଦୟାକର ।

କରୁଣାର ସିନ୍ଧୁ ଆହେ ଜଗବନ୍ଧୁ

ଭକ୍ତପ୍ରିୟ ଭାବଗ୍ରାହୀ

ଜୀବନ ମୋହର ହୋଇଅଛି ଧନ୍ୟ

ତୁମ ପରି ପ୍ରଭୁ ପାଇ ।

କିଛି ଦେଇ ନାହଁ କହିବି କେମିତି

ତୁମକୁ କଳା ଗୋସେଇଁ

ଯେତିକି ଦେଇଛ ସେତିକିରେ ଖୁସି

ବେଶି କିଛି ମାଗୁ ନାହିଁ ।

ଦୁଃଖ ଦେଲେ ମୋତେ ଦିଅ ମହାବାହୁ

ମାଗିବିନି କେବେ ସୁଖ

ହେଲେ ମୋତେ ଦିଅ ଏତିକି ଶକତି

ଯେମିତି ସହିବି ଦୁଃଖ ।

********

ପ୍ରଶାନ୍ତ କୁମାର ନାଥ

ସୁନ୍ଦରପୁର,ଉତ୍ତରକୂଳ ହାଟ୍,ପ୍ରୀତିପୁର,ଯାଜପୁର ।

ମୋ-୦୮୮୯୨୩୦୧୧୪୩