ମୂଲ୍ୟ ହରାଉଛି ପ୍ରଶାସନ
ମୂଲ୍ୟ ହରାଉଛି ପ୍ରଶାସନ
ଗଣତାନ୍ତ୍ରିକ ମୂଲ୍ୟ ହରାଉଛି ପ୍ରଶାସନ,
ସମଗ୍ର ସଂସ୍ଥାନରେ ଦିଶୁନି ଅନୁଶାସନ,
ଅସ୍ଥିର ଅର୍ଥବ୍ୟବସ୍ଥା ନେଇଛି ଶୀର୍ଷାସନ,
ଜନତାକୁ ମିଳୁ ନାହିଁ କୌଣସି ଆଶ୍ଵାସନ |୧|
ଦିନକୁଦିନ ସମାଜରେ ବଢିଲେଣି ଦୁର୍ଯ୍ୟୋଧନ ଦୁଃଶାସନ,
ଭ୍ରଷ୍ଟାଚାରୀ ଦୁରାଚାରୀ ଶକୁନିଙ୍କୁ ଦିଆଯାଉ ନାହିଁ ନିଷ୍କାସନ,
ନୀତିବାଦୀ ଅର୍ଥନୀତିଜ୍ଞ ବିଦୁରଙ୍କୁ ମିଳୁଛି ଅପମାନ ନିର୍ବାସନ,
ସରକାର ଏମିତି ଚାଲିଲେ ଦେଶରେ କେମିତି ରହିବ ସୁଶାସନ |୨|
ପ୍ରଜା ଦେଉଥିବା ଅନୁଶୀଳନକୁ ମିଳୁନି ଶ୍ୱସନ,
ନିର୍ଲଜ ରାଜନେତା କାହିଁକି ନେଇଛନ୍ତି ଆସନ,
ପଦବିଧାରୀ ଶୀଘ୍ରଶୀଘ୍ର ଛାଡ଼ନ୍ତୁ ନିଜ ପଦ୍ମାସନ,
ଆତ୍ମଚିନ୍ତନ ଅଭାବରେ ରଜା ଛାଡ଼ନ୍ତୁ ସିଂହାସନ |୩|
ବୁଦ୍ଧିସମ୍ପନ୍ନ ବୁଦ୍ଧିଜୀବିଙ୍କର ହେଲାଣି ପ୍ରବାସନ,
ଅବୈଧ ଶରଣାର୍ଥୀଙ୍କର ବଢ଼ିଲାଣି ଅପ୍ରବାସନ,
ଶାସନତନ୍ତ୍ରରୁ ପଛେଇବ ଯଦି ଆମର ଶାସନ,
ତେବେ ଲୋକତନ୍ତ୍ରର ନିଶ୍ଚିତ ହେବ ଅବସାନ |୪|