ଡାକରା
ଡାକରା
1 min
370
ଭାଇ ଡାକ ଯଦି ଭଲ ଲାଗିଲାନି
କହିଥାନ୍ତ ଯଦି ଥରେ
ସତ କହୁଛି ମୁଁ ଡାକିଥାନ୍ତି ସତେ
ଆରମ୍ଭ ଦିନରୁ ସାରେ ॥
ସ୍ବାମୀ ଶ୍ବଶୁରଙ୍କୁ ଛାଡିଦେଲେ ଜାଣ
ସଭିଙ୍କୁ ଡାକଈ ଭାଇ
ଶିଶୁମନ୍ଦିର ଢାଂଚା ଭୂଲି ନ ପାରି
ପାଟି ଚାଲେ ସାଈଁ ସାଈଁ ॥
ପ୍ରଥମରୁ ଯିଏ ଡାକେ ଅତି ସ୍ନେହେ
ମୋର ନାମ ଛୋଟ କରି
ସେମାନଙ୍କୁ ଗୁରୁଜନ ମନେ କରି
ଡାକିଦିଏ ମୁଁ ଯେ ଭାଇ ॥
ଡାକେ ଯିଏ ମୋତେ ମ୍ୟାଡାମ୍ କହିକି
ସାର୍ ତାଙ୍କୁ ଡାକୁଥାଈ
ସାଙ୍ଗ ବୋଲି ଯିଏ କରେ ସମ୍ଭୋଧନ
ସାଙ୍ଗ ବୋଲି କହୁଥାଈ ॥
ମଣିଷ ମାତ୍ରକେ ହୁଅଇ ଯେ ଭୂଲ୍
କ୍ଷମା କରିଦେବ ମୋତେ
ଯେସାକୁ ତେସା ଯେ କରିବାର ଗୁଣ
ଛାଡି ପାରୁନାହିଁ ସତେ ॥
ଦିପ୍ତୀଲେଖା ମିଶ୍ର