କାହିଁକି
କାହିଁକି
1 min
299
କାହିଁକି ଆସିଲ ହୃଦୟକୁ ମୋର
ତୋଳିଲ କାହିଁକି ଘର
ଯଦିବା ତୋଳିଲ ଚାଲିଗଲ କହି
କରିଦେଇ ପୁଣି ପର ।
କାହିଁ ଦେଖେଇଲ ନୂଆ ଏକ ସ୍ୱପ୍ନ
ଜୀବନକୁ ମୋର ଆସି
ଯଦି ଦେଖେଇଲ କାହିଁକି ଭାଙ୍ଗିଲ
ପାଇଲ କି ଅବା ଖୁସି ।
କିଏ କହିଥିଲା ସାଥିରେ ମୋହର
ସମ୍ପର୍କ ଯୋଡିବା ପାଇଁ
ଯୋଡ଼ିଦେଲା ପରେ ସେହି ସମ୍ପର୍କକୁ
ଭାଙ୍ଗିଦେଲ ଆଜି କାହିଁ ।
ହାତ ଧରି ମୋର ବାଟ ଚାଲିବାକୁ
ଦେଉଥିଲ କାହିଁ କଥା
ଦେଇଥିବା କଥା କେମିତି ଭୁଲିଲ
ମୋ ମନରେ ଭାରି ବ୍ୟଥା ।
ଅଧବାଟେ ଯଦି ଛାଡିଯିବା ଥିଲା
ଆସୁଥିଲାଗୋ କାହିଁକି
କିଲାଭ ପାଇଲି କହିଦିଅ ପ୍ରିୟା
ତୁମକୁ ମୁଁ ଭଲ ପାଇକି ।