ମେଘ
ମେଘ
1 min
189
ଆକାଶର ସାଗରରେ ଭସାଇ ବୋଇତ
ଦୂରଦେଶୀ ପରବାସୀ ପ୍ରେମିକ ବଣିକ
କିଣାବିକାପାଇଁ, ଜାଏ ପ୍ରିୟାଘର ଦେଇ ।
ନିଦାଘ ସନ୍ତାପି ,ବାଞ୍ଚାଘନ ପ୍ରେମ ସ୍ୱାଦ
ଚାତକ ପରାଏ,
ଆକାଶ ପଥକୁ ଚାହେଁ ଅନୁକ୍ଷଣେ,
ପ୍ରେମ ପାଗଳିନୀ ପ୍ରିୟା
ଦେଖିବାକୁ ମନର ମଣିଷ
ରାଗିଣୀ ମଲ୍ହ।ର ତୋଳେ
ସଂଚାରଇ ଆଶା ।
କଦମ୍ବ ଡାଳରେ ଫୁଲ
ସାଧବ ରମଣୀ
ଦରଦୂର ରାବରେ ପୁଣି କଂପଇ ମେଦିନୀ
ଛତୁ ରୁତୁ ଆସିଲାରେ
ସୁବାସିତ ଫୁଲମହକ ଜଳରେ
ରଜସ୍ପଳା ବସୁମତୀ ସ୍ନାନସାରି
ଦିବ୍ୟ ଅଳଙ୍କାର ଶୋଭା ଅପୂର୍ବ ସମ୍ଭାର
ଧରିତ୍ରୀ ମାଆକୁ କୋଟି ନମସ୍କ।ର ।
ମେଘୁଆ ସକାଳରେ ଝରିଆ ଆସର
ଚାଷୀ ମରି ମାଟି ଚିରି କରେ ବେଉଷଣ,
ମେଘ ତୁମ ରାଣ
ଢ଼ାଳି ଦିଅ ବର୍ଷା ଜଳ
ହସୁ ବିଲ ବନ ।