ଟୁପଟୁପୁରିଆ ବରଷା
ଟୁପଟୁପୁରିଆ ବରଷା
1 min
6.8K
ଟୁପଟୁପୁରିଆ ବରଷା
ବାସୁଦେବ ଥାଟ୍ଟୋଇ
ଟୁପଟୁପୁରିଆ ବରଷା ,
ବେଙ୍ଗ ଡେଇଁଡେଇଁ ନାଚଇ ଖୁସିରେ
ଘରେ ବେଙ୍ଗୁଲୀ କରୁଛି ଆରିସା ।
ପଚପଚ ହୁଏ କାଦୁଅ ,
ବଗ ବଗୁଲୀର ବାହାଘର ହବ
ଯାଇ ଶିରାବଣ ଆସୁ ଭୋଦୁଅ ।
ହୁଳହୁଳି ଦିଏ ଡାହୁକ ,
ବିଲୁଆର ବଳ ବଢେ ରାତି ହେଲେ
କଙ୍କଡାକୁ ମାରି ସାଜେ ପାଇକ ।
ଗୋଳିପାଣି ଗଲା ନଇରେ ,
ନଇବଢି ଦୃଶ୍ୟ କୁମ୍ଭୀର ପଢାଏ
ପିଲାଙ୍କୁ ତା ଡାକି ପଢା ବହିରେ ।
କାଉକଣ୍ଠ ପଡି ଗଲାଣି ,
ବାଇଚଢେଇ ତା ଦୋଳିରେ ଝୁଲୁଛି
ଝଡିପୋକ ତ ବ୍ୟାୟମ କଲେଣି ।
ପୁଷି ଚଢିଲାଣି ସଙ୍ଗାରେ ,
ସାଧବ ବୋହୁକୁ ସଜ କରିଦିଅ
ଯିବ ବସିକି କାଗଜ ଡଙ୍ଗାରେ ।
ସୂରୁଜ ଶୋଇଲା ନିଦରେ ,
ଚଷାଭାଇ ତା’ର ହୋଇ ତରତର
ମିଠା ଗୀତ ଗାଏ ମନବୋଧରେ ।