ପଶ୍ଚାତ୍ତାପ

ସମସ୍ତେ କରନ୍ତି ଜୀବନରେ ଭୁଲ,

ଜୀବନ କେବେ ହୋଇ ପାରିବ ନାହିଁ ନିର୍ଭୁଲ ।

କୁକର୍ମ କରିବାର ନାହିଁ ଜାଣିଶୁଣି,

କରିଲେ ପରେ ପଶ୍ଚାତ୍ତାପ କରିବାକୁ ହେବ ପୁଣି ।

ସଦା କରିବାର ଅଛି ସମୟର ସଦୁପଯୋଗ,

କାଳ ନଷ୍ଟ କରିଲେ ହରେଇବାକୁ ପଡ଼ିବ ନୂତନ ସୁଯୋଗ ।

ପିତାମାତା ଗୁରୁଜନଙ୍କ ସହ କରିବାର ନାହିଁ ଦୁର୍ବ୍ୟବହାର,

ଅନନ୍ତର ଅନୁତାପ କରିବାକୁ ପଡ଼ିବ ଯଦି ଭୁଲି ଯିବା ଶିଷ୍ଟାଚାର ।

ସହାୟକଙ୍କ ସହ ସଦା ରଖିବ ଭଲ ସମ୍ପର୍କ,

ଅନୁଶୋଚନା ସାମନାସାମନି ହେବ ଯଦି କରିବ ତାଙ୍କ ସହ ତର୍କ ବିତର୍କ ।

ନିଜ କଥାବାର୍ତ୍ତା ପଦ୍ଧତିକୁ ଦେବାକୁ ହେବ ସାମଞ୍ଜସ୍ୟ,

ବ୍ୟର୍ଥ ବିବାଦ ଦ୍ୱାରା ଅଜଣାରେ ବ୍ୟକ୍ତ ହୋଇ ଯିବା ରହସ୍ୟ ।

କାହା ସହ କେବେ କରିବାର ନାହିଁ ଅନ୍ୟାୟ,

ଅନୀତି ଅନିଷ୍ଟ କାର୍ଯ୍ୟ ଦ୍ୱାରା ଦେଖିବାକୁ ପଡ଼ିବ ପଶ୍ଚାତ୍ତାପ ଅଧ୍ୟାୟ ।