ଦେଖ ବିନୟ କେଡେ ମାନବୀୟ

ମନେପଡେ ଶ୍ରେଣୀଗୃହ, 

                ସେ ମୋ ବିଦ୍ୟାଳୟ ;

ପଛ ଧାଡିରେ ବସେ ଯେ, 

                ସେ ସାଙ୍ଗ ବିନୟ ;

ଚାହେଁ ଗୁରୁ ନଜାଣନ୍ତୁ, 

                ତା'ର ପରିଚୟ ;

ହେଲେ ଥିଲା ସାଙ୍ଗ ଟିଏ, 

                ସେ ବଡ ହୃଦୟ । (୧)

 

ପାଠରୁ ଅଧିକ ଥାଏ, 

                ସାଠରେ ତା' ଲୟ ;

ହାତ ଥରେ ପଢ଼େ ଯେବେ, 

                ଗଣିତ ବିଷୟ ;

ପରୀକ୍ଷା ନମ୍ବର ଯେବେ, 

                ଆସେ ଶୋଚନୀୟ ;

ଭାବେ ଭଲ ହେବ ଆଗ, 

                ପାଳିକୁ ନିଶ୍ଚୟ । (୨)

 

ବାର୍ଷିକ ଉତ୍ସବର ତ, 

                ଆସିଲା ସମୟ ;

ଆସିଲେ ମୁଖ୍ୟ ଅତିଥି, 

                ମନ୍ତ୍ରୀ ମହୋଦୟ ;

କିଏ କରିବ ନାଚ ତ, 

                କିଏ ଅଭିନୟ ;

ପୁରସ୍କାର ବିନୟ ଯେ, 

                ପାଇଲା ଦ୍ବିତୀୟ । (୩) 

 

ପୁରସ୍କୃତ ରାଶି କଲା, 

                ପାଣ୍ଠିରେ ସେ ଦେୟ ;

ଆଶ୍ଚର୍ଯ୍ୟ ଅତିଥି ହେଲେ, 

                ତା' ପ୍ରତି ସଦୟ ;

'ଶିକ୍ଷା' ମାନେ 'ତ୍ୟାଗ' ଭାଷି,  

                ଦେଲେ ମହୋଦୟ ;

ତା' ଗୁଣ ବଖାଣି ନେଲେ, 

                ସଭାରୁ ବିଦାୟ । (୪)

 

ବିନୟର କାମ ତାକୁ, 

                ଦେଲା ଯେ ବିଜୟ ;

ଯୋଡ଼ିଲେ ଶିକ୍ଷାରେ ତ୍ୟାଗ, 

                ସଭେଁ ଏ ଅଧ୍ୟାୟ ;

ବାଛିବାନି କେ ଜାତୀୟ, 

                ପୁଣି ବିଜାତୀୟ ;

ପ୍ରଥମେ ଶିଖିବା ଆମେ, 

                "କ'ଣ ମାନବୀୟ ?"। (୫)

===============================

ଦୂର ଭାଷ : ୯୮୬୧୫୨୦୧୩୪