ସପନ ପୁରେ

ଦୂର ଦିଗବଳୟେ ଚାହଁ

ଅସ୍ତଗାମୀ ସୂର୍ଯ୍ୟ

ଦେଖାନ୍ତି ନୂତନ ରାହା

ପୁଣି ସେ ଉଇଁବେ

ପୂରୁବ ଆକାଶେ ହସି

ଚଳଚଞ୍ଚଳ ହେବ ଧରା

ହାତରେ ହାତ ଛନ୍ଦି 

ଯିବା ଚାଲି ସେ ପୁରେ

ସବୁ ବନ୍ଧନ ଛିଣ୍ଡାଇ

ସେଇଟି ପରା ସପନପୁର

ନ ଥାଏ ପରା ପର

ପ୍ରେମ ଝରଇ ନିରନ୍ତର

ପ୍ରେମ ଯହିଁ ଚିରନ୍ତନ

ବୟସର ବାଡ଼ ଡେ଼ଇଁ

ଭିଜେଇବା ଆମ ମନ

ବୟସର ସାୟଂ କାଳେ

ଲଭି ନବ ଉନ୍ମାଦନା

ପ୍ରିତିର ପରସ କୋଳେ

ପ୍ରେମର ନାହିଁ ବୟସ

ହୃଦ ମରୁଭୂମିରେ

ପ୍ରୀତି ପୂର୍ଣ୍ଣ କଳସ

ସପନ ପୁରେ ଝରଣା କୂଳେ

ଆମରି ପ୍ରେମ ସଙ୍ଗୀତ

ମଧୁର ମହ୍ଲାର ତୋଳେ