ଆମ ବ୍ୟବସ୍ଥା

ଦଳ ପ୍ରୀତି ନେଇ ଯୋଜନା ଚାଲିଛି
ଉପଯୁକ୍ତ ଲୋକ ବଂଚିତ ହୁଏ
ରାସନ କାର୍ଡରେ ନେତା ନାମ ଆଗେ
ଗରିବ ବାପୁଡା ମୁଠେ ନ ପାଏ ।।(୧)

ଆହାର ଯୋଜନା , ମାଗଣା ଚାଉଳ
ଘରେ ଘରେ ଏବେ ପିଅନ୍ତି ମଦ
ମାନବ ସମ୍ବଳ ବିକାଶ ଚାଲିଛି
ଯୁବ ଶକତିକୁ କରିଣ ଗଧ ।।(୨)

ସୁଶିକ୍ଷିତ ଏବେ ଦାଦନ ଖାଟନ୍ତି
ଅଯୋଗ୍ୟକୁ ମିଳେ ମନ୍ତ୍ରୀ ପଦ
ଦେଶ ଭବିଷ୍ୟତ ତାଙ୍କ ହାତେ ବନ୍ଧା
ଉଚ୍ଚଶିକ୍ଷିତ ଯେ ବେକାର ଅଦ୍ୟ ।।(୩)

ଯୋଜନା ଚାଲିଛି ଜୋରଦାର ଏବେ
ଯୋଜନ ଦୂରରେ ଅଛି ପ୍ରଗତି
ପଦରେ ବସିଲେ ଚିହ୍ନି ପାରନ୍ତିନି
କିଏ ସହୋଦର କେ ତାଙ୍କ ସାଥି ।।(୪)

ଗଣତନ୍ତ୍ର ନୁହେଁ ମନୋପଲି ପରା
ଶାସନ ପଦ୍ଧତି ଭାଇ ଏବେରେ
ପଦ ମୋହ ଏବେ ବାଇଆ କରିଛି
ଅଯୋଗ୍ୟ ବସଇ ମନ୍ତ୍ରୀ ପଦରେ ।।(୫)