ସ୍ୱର୍ଗଦ୍ୱାରେ ବିଦାୟର ବେଳେ
ସ୍ୱର୍ଗଦ୍ୱାରେ ବିଦାୟର ବେଳେ
ମୁଁ ତ ଏବେ
ପ୍ରେମରେ , ମୋହରେ
ଆଉ ମିଛ ମାୟାରେ
ମସଗୁଲ୍ ଅଛି l
କିଏ ଜାଣେ
ମୁକ୍ତିର ପଥ
ସ୍ୱର୍ଗଦ୍ୱାର
ମୋ ପାଇଁ
କେତେ ଦୂର ?
ଭାବନାରେ ଛନ୍ଦିହୋଇ
ସମୟକୁ ଜାଳିଛି l
ସ୍ୱପ୍ନରେ ମୋହାଛନ୍ନ ହୋଇ
ଅତୀତକୁ ଝୁରିଛି l
ପାପ ପୁଣ୍ୟର ଲଢେଇ ଭିତରେ
ବିବେକର ଦଂଶନରେ
ତୁହାକୁ ତୁହା
ଯନ୍ତ୍ରଣାକୁ ସହିଛି l
ପ୍ରେମିକାର ରୁପରେ
ବିଭୋର ହୋଇ
ପୂର୍ଣ୍ଣ ଜହ୍ନକୁ
ଅମାବାସ୍ୟାର ରାତ୍ରିରେ ଦେଖିଛି l
ତା' ପ୍ରେମରେ
ହତାଶ ହୋଇ
ଅନ୍ଧାର ରାତ୍ରିକୁ
ପୂର୍ଣ୍ଣିମାରେ ଭେଟିଛି l
ଏବେ ସ୍ଵର୍ଗଦ୍ଵାରେ
ବିଦାୟର ବେଳେ
ସମୁଦ୍ର ଲହଡିର ଘୁ' ଘୁ'
ଗୁରୁଗମ୍ଭୀର ଗର୍ଜନ
ଶୁଭୁ କି ନ ଶୁଭୁ ,
କିନ୍ତୁ ଠିକ୍ ଶୁଭୁଥିବ
ରାମ ନାମ ସତ୍ୟ ହେ
ହରି ନାମ ସତ୍ୟ ହେ l
ଆଉ ତାପରେ
ହୁତୁ ହୁତୁ ହୋଇ
ଜଳି ଉଠିବ
ମୋ ଜୀବନ ଜୁଇ l
ପ୍ରଶାନ୍ତ କୁମାର ବେହେରା
ଅଧ୍ୟାପକ , ରାଜନୀତି ବିଜ୍ଞାନ ବିଭାଗ,
ସ୍ଵାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ,
ଜଗତସିଂହପୁର l
ଦୂରଭାଷ - ୯୪୩୭୧୩୫୯୧୬