ସନ୍ଧାନ
ସନ୍ଧାନ
ସଂସାର ଦୁଃଖମୟ
ତେବେ ସୁଖ କ’ଣ ?
ତାର ସଂଜ୍ଞା ନିରୂପଣ ପାଇଁ
ସେମାନେ ବାହାରିଲେ
ସୁଖର ସନ୍ଧାନରେ
ଗାଁ ରୁ ସହର ଓ ନଗର |
ପରୀକ୍ଷା ନିରୀକ୍ଷା କଲେ
ଅନେକ ତର୍ଜମା ହେଲା
ନିଷ୍କର୍ସରେ ସୁଖର ସଂଜ୍ଞା
ନିରୂପଣ ଅଧୁରା ରହିଲା |
ସେମାନେ ସମସ୍ତେ
ସଂସାରରେ ମାତିଲେ
ପତ୍ନୀ, ସନ୍ତାନ ପାଇଁ
ପ୍ରାସାଦ ଗଢିଲେ
ଆକାଶରେ ଉଡି ବୁଲିଲେ
ମଙ୍ଗଳ କି ଜହ୍ନରେ
ଘର କରିବାର ସ୍ବପ୍ନ ଦେଖିଲେ |
ସୁଖ ଭାବି ଜୀବନକୁ
ବିଳାସ ବ୍ୟସନରେ
ଭରପୁର ଉପଭୋଗ କଲେ
କିନ୍ତୁ ସୁଖ କାହିଁ ?
ସବୁଠି ଦୁଃଖ ଆଉ ଦୁଃଖ
ଛଳନା,ପ୍ରତାରଣା
ଈର୍ଷା ଆଉ ଘୃଣା
ଜରା,ବ୍ୟାଧି ,କ୍ଷୁଧା ,ମୃତ୍ୟୁ
ଏବଂ ଯନ୍ତ୍ରଣାର ତାଡନା,
ତାରତମ୍ୟ ଯାହା ଅଛି
ଜଣେ ଅନ୍ୟ ଜଣଙ୍କଠୁ
କେତେ କମ ଅବା ଅଧିକ
ମାତ୍ରାରେ ଜର୍ଜରିତ |
ନିର୍ମମ ସତ୍ୟ କଥା
ଜୀବନ କ୍ଷଣସ୍ଥାୟୀ
ଇନ୍ଦ୍ରିୟ ସୁଖ ସବୁ
କ୍ଷଣକ ପାଇଁ ସୁଖଦାୟୀ |
ସୁଖ ଦୁଃଖ କମ ବହୁତ
ସମସ୍ତଙ୍କ ପାଇଁ ରହିଛି,
ସେମାନଙ୍କର କିନ୍ତୁ ଅଭାବ ଥିଲା
ଆତ୍ମତତ୍ତ୍ୱ ଜ୍ଞାନ
ପୁଣ୍ୟ ଅର୍ଜନ
ଇନ୍ଦ୍ରିୟାତୀତ ସାଧନ,
କାରଣ ସେମାନେ ସବୁ
ଏସବୁରେ ଥିଲେ ଗରିବ |
ସେମାନେ ଜାଣି ନଥିଲେ
ଦୁଃଖର ଦହନରେ
ମିଳେ ସୁଖର ସନ୍ଧାନ