ଛନ୍ଦହୀନ ଜୀବନ
ଛନ୍ଦହୀନ ଜୀବନ
1 min
278
ଛନ୍ଦହୀନ ଜୀବନ, କପଟ ଶୂନ୍ୟ
ନଥାଏ ଭେଦଭାବ, ପବିତ୍ର ମନ ॥
ପଙ୍କିଳ ପରିବେଶୁ, ପଦ୍ମ ପରିକା
ହୁଅନ୍ତି ପ୍ରସ୍ଫୁଟିତ, ଥିରି ଥିରିକା ॥
ନିଜର ମହକରେ, ସାରା ସଂସାର
ମହକାଇ ଦ୍ଯନ୍ତି, କରି ଉପକାର ॥
ରହଣି ଚଳଣିରେ, ଭାରି ସରଳ
ଧୈର୍ଯ୍ୟ ଓ ସାହସ, ଅଟେ ମନୋବଳ ॥
ଅତି ଖରାପ, ମଣିଷ ଠାରୁ ମଧ୍ୟ
ଶିକ୍ଷଣୀୟ ଜିନିଷ, କରନ୍ତି ଲାଭ ॥
ଇର୍ଷା ଦ୍ଵେଷ ଠାରୁ, ଦୂରରେ ରୁହନ୍ତି
ସମାଲୋଚନା ର, ପାଖ ନ ମାଡନ୍ତି ॥
ଲୋଭ କାମ କ୍ରୋଧ, ଦେଖା ନ ଦିଏ
ଛନ୍ଦହୀନ ଜୀବନ, ସୁଖରେ ଥାଏ ॥
ଅଳପେ ସନ୍ତୁଷ୍ଟି, ମନ୍ତ୍ର ଜୀବନର
ତେଣୁ ସରିଯାଏ, ଦୁଃଖ ଜୀବନର ॥
ଛନ୍ଦହୀନ ଜୀବନରେ, ବ୍ୟସ୍ତ ଲାଗେନା
ହାରିଯିବି ବୋଲି, ଭୟ ରହେନା ॥