ଫୁଲ୍ ଗଡ଼ବଡ଼:- ୨
ଫୁଲ୍ ଗଡ଼ବଡ଼:- ୨
କେରାଣ୍ଡି ମାଛର ବହପ ଦେଖ ଲୋ
ଫଡ ଫଡ ହୁଏ ଖାଲି ,
ଶେଉଳ ମାଛଟି ଅତି ବୁଦ୍ଧିଆ ଲୋ
ପଙ୍କେ ପଶି ବୁଜେ ଗାଲି ।
ବଗ ଭାଇ ମୋର ଅଧିକ ଚତୁର
ପାଣି ପାଖେ ଜଗି ବସେ,
ମାଛ ଖାଇବାକୁ ଲାଳ ଗଡେ ହେଲେ
ପ୍ରବଚନ ଖାଲି ଭାଷେ ।
ଦିନକର କଥା ବଗ ଭାଇନା ଟି
କେରାଣ୍ଡି କୁ ମିତ୍ର କଲା,
ଧର୍ମ ବାଣୀ କହି ଥଣ୍ଟରେ ହଲେଇ
ନିତି ତାକୁ ଗେଲ କଲା ।
ଆଇଁଷା ପ୍ରକୃତି ଯାହାର ଅଛି ଲୋ
ସେ ଆଉ ବୈଷ୍ଣବ କେବେ ?
ଵଂଶ ବୁଢ଼େଇବା ଲକ୍ଷ ଟି ଯାହାର
ଆଗ ପଛ କେବେ ଭାବେ ?
ଚିକ୍କଣ ଚାକ୍କଣ କଥାରେ ଦୁହିଁଙ୍କ
ବନ୍ଧୁତ୍ୱ ବଢ଼ିଗଲା ଧୀରେ ।
ସେ କାହୁଁ ବୁଝିଛି ଦୁର୍ଜନ ପ୍ରୀତି ରେ
ବଉଂଶ ତା ନାଶ କରେ ।
ସବୁଦିନେ ବଗ ଲୁଚେଇ ଛପେଇ
ଚାଟି ଗଲା ଗୋଟେ ଗୋଟେ ।
ଜାଣି ପାରିଲାନି କେରାଣ୍ଡି ଭାକୁଡ଼ା
ମଇତ୍ରୀ ବସିଲା ତା ଠେ ।
ସବଂଶ ମରିଲେ ଏକା କରିଗଲେ
କେରାଣ୍ତି ଜାଣିଲା ସବୁ ।
ଏବେ ଜାଣି ସତେ ଲାଭ କିସ ଆଉ
ଲୁହ ଝରେ ଭାବୁ ଭାବୁ ।
ପ୍ରିୟ ବନ୍ଧୁଗଣ କେରାଣ୍ଡି ବଗର
ବନ୍ଧୁତ୍ୱ ହୋଇଲା ଶେଷ ।
ଅଜ୍ଞାତେ ବିଶ୍ବାସ ଅବିବେକିଟିର
ବଉଂଶ କରଇ ନାଶ ।
◆ କେ.ନିର୍ମଳ
◆ ଭଦ୍ରକ, ବାସୁଦେବପୁର(ଜଗନ୍ନାଥି)
◆ ମୋବାଇଲ୍:-୯୫୬୬୧୧୩୬୦୭
◆ Gmail:- nirmaln270@gmail.com