କୁହ ଭାଇ କାହା ପାଇଁ ?
କୁହ ଭାଇ କାହା ପାଇଁ ?
1 min
6.6K
ନିସ୍ତେଜ ଆଜି ମୋ ଗାଁଆର ଚେହେରା
ଶୁନ୍ ଶାନ୍ ଲାଗେ କାହିଁ
ଜାଣିଶୁଣି ତୁମେ ଗାଁଆକୁ ଭୁଲୁଛ
କୁହ ଭାଇ କାହା ପାଇଁ ? ? ?
ଗାଧୁଆ ତୁଠଟା ଶୁଖିଲା ପଡିଛି
ଫୁଟୁନି ପଦୁଅଁ କଇଁ
କାହିଁ ଦିଶୁନାହିଁ ଭୁଆସୁଣୀ ଲାଜ
କୁହ ଭାଇ କାହା ପାଇଁ ? ? ?
ଭାଗବତ ପିଣ୍ଡା ଫାଙ୍କା ଫାଙ୍କା ଆଜି
ଗାଉଁଲି ପରବ ନାହିଁ
ଭାଇ ବନ୍ଧୁ ଭାବ ମରି ମରି ଯାଏ
କୁହ ଭାଇ କାହା ପାଇଁ ? ? ?
ଗାଁଆରେ ଯାତରା ଗାଁଆ ପରମ୍ପରା
କବାଡି ଶବଦ ନାହିଁ
ଗାଁଆ ପୁଅ ଆଜି ସହର ଧାଁଉଛି
କୁହ ଭାଇ କାହା ପାଇଁ ? ? ?
==== *ପ୍ରସନଜିତ ସାହୁ* ====
*ନାଉଗାଁ ହାଟ, ଜଗତସିଂହପୁର*