ଜୀବନ ନାଟକ

ଜୀବନ ନାଟକ ଏକ ଅଚାନକ

କିଏ କାହା ଅଭିନୟେ

ଅଦୃଶ୍ୟ ଦର୍ଶକ ଓ ନିରିଦେଶକ

କିଏ ରଚେ କିଏ ଗାଏ ।

ଏ ରଙ୍ଗ ଭୂମିତ ହୁଏରେ ସଜିତ

ନାଟକ ପ୍ରକଟ ପାଇଁ

ଚାନ୍ଦ ଓ ସୁରୁଯ ଆଲୋକରେ ସଜ

ସମୟ ସଙ୍ଗୀତ ନେଇ ।

ସମୟ ଚକରେ ସୁଖ ସଂଳାପରେ

ଚରିତ୍ରଟି ତୋଷ ହୁଏ

ଦରଦ ରଜ୍ଜୁରେ କେତେ ବିଳାପରେ

କାଳ ଚକ୍ର ଗଡି଼ ଯାଏ ।

ପ୍ରଶଂସା କାଳରେ ଅଦୃଶ୍ୟ ତାଳିରେ

ପାତ୍ର ମନ ଉଠେ ହସି

ନିନ୍ଦାର ବେଳରେ ଅନ୍ଧାର ଗାଳିରେ

ଚିତ୍ତ ଥକି ପଡେ଼ ବସି ।

ସତ୍ୟ,ଧର୍ମ ନ୍ୟାୟ ନେଇ ଅଭିନୟ

ଏଠି ହୋଇଥାଏ ସ୍ଥିର

ଶୁଦ୍ଧ ଚିତ୍ତେ ଯିଏ ସତ୍ୟ ପଥ ପାଏ

ସିଏ ଅଭିନେତା ବୀର ।

ପାତ୍ର ପ୍ରତିବିମ୍ଵ ନାଟକ ପ୍ରାରମ୍ଭ

ଜନମ କ୍ଷଣରୁ ରହେ

ନଥାଏ ବିରତି ଆହେ ମୁଢ଼ ମତି

ମରଣ ସବାରୀ ଯାଏ ।