ଜୀବନ

ଜୀବନ ଟା ଠିକ୍ ଏଇମିତି

ଗଛରୁ ଝଡି ପଡୁଥିବା ପତ୍ର ଟି

ତଳେ ନ ପଡିବା ଯାଏ

ଜୀବନ ଟା ଠିକ୍ ଏଇମିତି

ସାଇକେଲ ଗଡୁଥିବ

ଚକ ରେ ପବନ ନ ସରିବା ଯାଏ

ଜୀବନ ଟା ଠିକ୍ ଏଇମିତି

ପରୀକ୍ଷା ଦେଇ

ଅପେକ୍ଷା ଫଳାଫଳ ନ ବାହାରିବା ଯାଏ

ଜୀବନ ଟା ଠିକ୍ ଏଇମିତି

ମାସକର ଶ୍ରମ ର

ଅପେକ୍ଷା ପାଉଣା ନ ପାଇବା ଯାଏ

ଜୀବନ ଠିକ୍ ଏଇମିତି

ଆକାଶ ରେ ମେଘ ଦାନା ବାନ୍ଧି

ବର୍ଷା ହେଇ ଝରିଲା ଯାଏ

ଜୀବନ ଟା ଠିକ୍ ଏଇମିତି

ମତାଣିଆ ଝରଣା ଠୁ

ନଈଟିଏ ହେଇ ସାଗର ଯାଏ

ଜୀବନ ଟା ଠିକ୍ ଏଇମିତି

ମରୁ ର କାକଟସ ରୁ

ଟେରେସ ର ଗୋଲାପ ଯାଏ

ଜୀବନ ଟା ଠିକ୍ ଏଇମିତି

ପ୍ରିୟା ଗାଲର ଲାଲିମା ଠୁ

ତୃତୀୟ ପିଢି ରେ

ଆଈ ମା' କାହାଣୀ ଗପିବା ଯାଏ

ଜୀବନ ଟା ଠିକ୍ ଏଇମିତି

ଏନ୍ତୁଡିଶାଳ ରୁ ମଶାଣି ଯାଏ ।।।