ଅଭିନନ୍ଦନ
ଅଭିନନ୍ଦନ
ଏମିତି ହେଲା ଅଯୋଧ୍ୟା ଦିନେ
ନାଚ ଗୀତେ ଖୁସି ଝୁମିଲେ ଜନେ ।
ଥିଲେ ଯେତେ ସେଠି ପ୍ରାଣୀ ଜଗତ
ହସିଲେ ଡ଼େଇଁଲେ ଗାଇଲେ ଗୀତ ।
ଗୋଟିଏ ରାଜା ତିନୋଟି ରାଣୀ
ପ୍ରଜାଙ୍କ ସାଥେ କରିଲେ ଧ୍ଵନି ।
ବେଳ ନ ବୁଡୁଣୁ ସନ୍ଧ୍ୟା ଦିଶିଲା
ଯେବେ ତାଙ୍କ ପାଦୁ ଧୂଳି ଉଡିଲା ।
ଚହଟିଲା ବାସ ସଭିଙ୍କ ଦିହେ
ଚଉଦିଗ ସାରା ମନକୁ ମୋହେ ।
ସୂରୁଯ ବଂଶିୟ ଅଂଶକୁ ବାଁଛି
ଜନମ ଦେଇଛି ପାଟ ମହିଷି ।
ନରେ ଉତ୍ତମ ସୌନ୍ଦର୍ଯ୍ୟ ଶ୍ରେଷ୍ଠ
କୋମଳ ବପୁ ଭଗ୍ୟେ ବଳିଷ୍ଠ ।।
ଆସିଲେ ଗୁରୁ ବଶିଷ୍ଠ ଧାଇଁ
ଗଣିଲେ ଲଗ୍ନ ନକ୍ଷତ୍ର ନେଇ ।
'ରାମ' ନାଆମ ମାନୁଛି ୟାକୁ
ଜଗତ ତରିଵ ନେଇ ଏହାକୁ ।
ଶିରୋମଣି ! ରଖ ଜାତିର ନାମ
ସଦା ସୂର୍ଯ୍ୟ ବଂଶୀ ରଖୁ ତା ମାନ ।
ସେ ରାମ ନାମ ଜଗତ ଜିତୁ
ସତ୍ୟ ଶାନ୍ତ ତ୍ୟାଗ ବୀରତ୍ୱ ବ୍ୟାପୁ ।
ଯାହାର ଆଜି ଜନମ ଦିନ
ତାକୁ ଆଜି କରେ ଅଭିନନ୍ଦନ ।
ରଞ୍ଜନ କୁମାର ଵ୍ରହ୍ମା
ଶିକ୍ଷକ - CRCC, ଚିକିଟୀ ଗଡ଼
💐💐🙏🙏🙏💐💐