Library
ତୋ'ବିନା-6
ତୋ'ବିନା-6
1 min
506
ସଜନୀଗୋ ତୁମେ ଫେରିବନି ଆଉ
ତଥାପି ସରୁନି ମୋହ
ମୋହକୁ ଏଡିବା ସହଜ ନୁହଁଇ
ହୃଦୟେ ଭରିଛି କୋହ
ମଉନ ମନରେ ସ୍ମୃତିକୁ ବଖାଣେ
ଆଖିରୁ ଝରଇ ଜଳ
ବୟସ, ବିଳାସ ବିଳପୁଛି ଆଜି
ହେଲାରୁ ବାହୁଡ଼ା ବେଳ
ମୁଠାଏ ଆଶାକୁ ଚାତକ ପରାୟେ
ଆଜି ବି ଚାହିଁଛି ମନ
ତୋ'ବିନା ସଜନୀ ଅପରିଚିତ ମୁଁ
ହୃଦୟେ ଲାଗିଛି ଚିହ୍ନ
କର୍ତ୍ତବ୍ୟରେ ବନ୍ଧା ହସ୍ତପଦ ମୋର
ଗାଉଛି ଜୀବନ ଗୀତି
ତୋ'ବିନା ମୋହର ବାକି ଆୟୁଷଟା
ଦୀର୍ଘ ଅନ୍ଧକାର ରାତି....
ଅତୀତ ଭାସୁଛି ସମୟ ସ୍ରୋତରେ
ମୁଠାଏ ଆଶାକୁ ଧରି
କର୍ମ ଜଞ୍ଜାଳରେ ଦିନସରେ ସିନା
ରାତି ବିତେ ସ୍ମୃତି ସ୍ମରି....
ତୁମ ସୁଖ ପାଇଁ ଶୁଭ ମନାସୁଛି
ଛାତିକୁ ପଥର କରି
ଜୀବନ ସଳିତା ତେଜୁଛି ନିଇତି
ବିରହ ନିଆଁକୁ ଧରି....
【ସନ୍ତୋଷ ପଟ୍ଟନାୟକ, ଗଞ୍ଜାମ】
Phone: 7984259080
8866359211
