ମୋ ପାଇଁ ସମାନ ଦିବସ-ରଜନୀ
ମୋ ପାଇଁ ସମାନ ଦିବସ-ରଜନୀ
1 min
6.6K
ମୋ ପାଇଁ ସମାନ ଦିବସ-ରଜନୀ
ଭଲ-ମନ୍ଦ ସୁଖ-ଦୁଃଖ
ଯେମିତି ସମାନ ତୋ ନୟନେ ଜଗା
ଧନୀ ଗରିବର ଭୋକ ।
ସୁନା ଥାଳିରେ କରେ କିଏ ଭୋଜନ
କା ଭାଗ୍ୟେ ଲେଖା ଉପାସ
ମଣିଷ ଜନମ ଲଭି ବି ସଭିଏଁ
ଭାଗ୍ୟର ଅଟନ୍ତି ଦାସ ।
ଚକାନୟନରେ କଅଣ ଦେଖୁଛୁ
ଦେଖୁ ନାହୁଁ କାହା ଦୁଃଖ
ଶୀତରେ ଥରୁଛି ବୁଢ଼ା ଭିକାରୀଟା
ରତ୍ନ ଖଟେ ତୋର ସୁଖ ।
ଷାଠିଏ ପଉଟି ନିଇତି ପାଉଛୁ
କିଏ ରହେ ଖାଲି ପେଟ
ରଚୟିତା ସାଜି ହରଷେ ଦେଖୁଛୁ
ଲଗାଇଥିବା ସେ ନାଟ ।