ପବନସୂତ ହନୁମାନ
ପବନସୂତ ହନୁମାନ
1 min
6.7K
ପବନସୂତ ହନୁମାନ
ନଗେନ୍ଦ୍ର ନାଥ ପଟ୍ଟନାୟକ
ପ୍ରଭୁ ଶୀରାମଙ୍କ ପରମ ଭକତ
ପବନ ସୂତ ହନୁମାନ
ମାପି ପାରିବ କେ ତାଙ୍କ ବଳ ବୁଦ୍ଧି
ସେ ପରା ଅତି ମହାନ ।
ଅଟଳ ବିଶ୍ୱାସେ ଯେ ପୂଜଇ ତାଙ୍କୁ
ବିପଦ ଟଳଇ ବେଗେ
ଅସୁବିଧା ବାଧା ଦୂରେଇ ଯାଏରେ
ମୁକତି ଲଭଇ ଆଗେ ।
ସେବା ଉପାସନେ କାମନା ରହିଲେ
ସଫଳତା ମିଳେ ନାଇଁ
କାମନା ବରଜି ପୂଜା କଲେ ତାଙ୍କୁ
ଋଭିବା ଆଶିଷ ଯାଇ
ଜ୍ଞାନୀଙ୍କ ଭିତରେ ଆଗୁଆ ସେ ପରା
ଭାବ ତାଙ୍କ ନିରିମଳ
ନମ୍ର ବିନୟ କୋମଳ ହୃଦୟ
ଥାଏନି ତାଙ୍କଠି ଛଳ ।
ଛୁଏଁ ନାଇଁ ତାଙ୍କୁ ଲୋଭ, କାମ, ରୋଷ
ନାମ ତାଙ୍କ ଜୀତେନ୍ଦ୍ରିୟ
ଲକ୍ଷପଥୁ କେବେ ହଟନ୍ତିନି ଜମା
ସେ ପରା ଚିର ଅଜେୟ ।
ମା ଅଂଜନା ଦେବୀ ଗରଭୁ ଜାତ ସେ
ବିଷୁବ ସଂକ୍ରାନ୍ତି ଦିନ
ସେଥିପାଇଁ ପରା ଏ ଦିନ ପବିତ୍ର
ଶୁଦ୍ଧପୂତ ଆମ ମନ ।