ମନ
ମନ
1 min
373
ମନକରିଲେ ହୋଇକିପାରେ
ମନ୍ତିରି ,ରାଜା,ରାଣୀ,
ମନଚାହିଁଲେ ମାନିକିଚଲେ
ମହତଜନ ବାଣୀ ?
ମନଭିତରେ ଦେଖିପାରେନି
ଭୋକିଲା ପେଟ ଦାଉ,
ମନଚାହିଁଲେ କିଣିପାରେନି
କିରତି ଦେଇ ଭାଉ ।
ମନମାନିଲେ ଲେଖିହୁଏନି
ପୋଥିପୁରଣ ବହି,
ମନଢଳିଲେ କରିକିପାରେ?
ସେବା,କଷଣ ସହି ।
ମନ ଭିତରେକାହିଁକି ଆସେ
ଛନ୍ଦ,କପଟ ଭାବ,?
ମନ ଖୁସିରେ ବୋଲିପରେନି
ପକ୍ଷୀ କାକଲି ରାବ ।
ମନ ମାନିଲେ ହୋଇକି ପାରେ
ମହାତ୍ମା,ବୁଦ୍ଧ,ରବି?
ମନଥିଲେ ବି ଆଙ୍କିପାରୁନି
କରତାକଂର ଛବି ।
ଯାହା ପାଇଛି ଯେତିକି ଅଛି
ତୁମର ସବୁ ଦାନ,
ତୁମକୁ ବୁଝିବାକୁ ସକତି
ଦିଅ ହେଭଗବାନ।
ଅକ୍ଷୟକୁମାର ଦାଶ ଜାରକା