କଥା ଦେବ କି?

ଜୀବନର ସାୟଂ କାଳରେ

  ଛାଡିବନି ହାତ ମୋର

ଦେହ ମୋର ଯେବେ ଶିଥିଳ ହୋଇବ

  କରିବନି କେବେ ପର l

ଥରିଲା ହାତକୁ ସାହାରା ଯେ

  ତୁମ ଆତ୍ମୀୟ ଭାବ

କର୍ଣ୍ଣେ ନ ଶୁଣି ବୁଝିଯିବ

  ନୟନେ ବେଦନା ଭାବ l

ଜୀବନେ ଯେପରି ବନ୍ଧୁର ପଥେ

  ଚାଲିଅଛେ ସାଥୀ ହୋଇ

  ଅପରାହ୍ନରେ ବି ତୁମେ

  ହେବ ମୋ ଦେହର ଛାଇ l

ପରସ୍ପର ପାଇଁ ରହିଥିବା ସଦା

  କୁସୁମେ ସୁବାଷ ସମ

ସଦା କାଳେ ଚିର ସବୁଜ

  ଆମର ଅମର ପ୍ରେମ l

  

ଭୁଲିବି ବୟସର ତାଡନା

  ମୋର ଦମ୍ଭ ହେବ

ଆସୁ ଯେତେ ବାଧା ବିଘ୍ନ

  ଏଇ କଥା ଦେବ କି?