ମାଆ ଏକ ଶବ୍ଦ-

       

ପବିତ୍ର ଶବଦ ଅଭିଧାନେ ମଧ୍ୟ

ପଠନେ ଜାଗଇ ଭାବ

ନୂତନ ପ୍ରେରଣା ନବ ଉଦ୍ଦୀପନା

ପରାଣେ ହୁଏ ଉଦ୍ଭବ।

ତନୁ ମନ ଭିଜେ ଶିହରଣ ସୃଜେ

ତନୁ ମନେ ମୋର ସଦା

ଭାବିଦେଲେ ଥରେ ଉଚ୍ଛୁଳେ ଅନ୍ତର

ଘୁଂଚିଯାଏ କଷ୍ଟ ବାଧା ।

ସେହି ଶବଦରୁ ଅବିରତ ଝରେ

ସେନେହ ମମତା ସୁଧା

ଅନୁରାଗ ପ୍ରୀତି ଅସରା ସମ୍ପତି

ସନ୍ତାନର କଟେ ଦ୍ଵିଧା।

ସପନର ଝର ଶୁଷ୍କ ନିଥର

ହୁଏନାହିଁ କେବେ ଏବେ

କରୁଣା ତଟିନୀ କେବେ ତ ଶୁଖେନି

ଶବଦ ପରଶେ ଭବେ।

ସେହି ଶବ୍ଦ ପରା ସଂସାରେ ନିଆରା

ମାଆ ବୋଲି କୁହେ ଶାସ୍ତ୍ର

ସଦା ଉଚ୍ଚାରଣ କାଟଇ କଷଣ

ସନ୍ତାନ ହୁଏନି ଦୁସ୍ଥ ।