ସୌନ୍ଦର୍ଯ୍ୟ ସ୍ତୁତି
ସୌନ୍ଦର୍ଯ୍ୟ ସ୍ତୁତି
କେମିତି କରିବି ତୁମ ସୌନ୍ଦର୍ଯ୍ୟ ସ୍ତୁତି,
ବିମୋହ ରେ ସ୍ତବ୍ଧ ହୋଇଛି ମତିଗତି,
ସୁବର୍ଣ୍ଣରେଖା ନାମ ର ହେଲାଣି ସ୍ମୃତି,
ତୁମ ରୂପରେଖା ସୃଷ୍ଟି କରିଛି ସମ୍ପ୍ରୀତି |୧|
ଲାଗୁଛ ପୁନେଇ ରାତି ର ଇନ୍ଦୁ,
ଲାଗୁଛ ପଦ୍ମପତ୍ର ଉପରେ ବିନ୍ଦୁ,
ଲାଗୁଛ ରଙ୍ଗମଞ୍ଚ ର କେନ୍ଦ୍ରବିନ୍ଦୁ ,
ଲାଗୁଛ ପୁଷ୍ପରସ ର ମଧୁରବିନ୍ଦୁ |୨|
ଲାଗୁଛ ବସନ୍ତବେଳର କଅଁଳିଆ ପତ୍ର,
ଲାଗୁଛ ତୁଳସୀଚଉରା ର ପବିତ୍ର ପତ୍ର,
ଲାଗୁଛ ରଙ୍ଗୀନ କାଗଜ଼ ରେ ଶ୍ୱେତପତ୍ର,
ଲାଗୁଛ ବର୍ଷା ରେ ଭିଜିଥିବା ମୃଦୁଳ ପତ୍ର |୩|
ଲାଗୁଛ ମାଣବସା ଗୁରୁବାର ର ଚିତାଲେଖା,
ଲାଗୁଛ ସୁଷୀମ ସୂର୍ଯ୍ୟୋଦୟ ର ସ୍ୱର୍ଣ୍ଣଲେଖା,
ଲାଗୁଛ ଚିତ୍ରକାରର ଚିରସ୍ମରଣୀୟ ଚିତ୍ରଲେଖା,
ଲାଗୁଛ ପୁଲକିତ ପ୍ରେମିକର ପ୍ରଥମ ପ୍ରେମଲେଖା |୪|
ଲାଗୁଛ ଯେମିତି ନନ୍ଦନକାନନର ଅପରାଜିତା,
ଲାଗୁଛ ଯେମିତି ଓଡ଼ିଆ ଚଳଚ୍ଚିତ୍ରର ମହାଶ୍ୱେତା,
ଲାଗୁଛ ଯେମିତି ବନର ସୋମଲତା ସୁମଲତା,
ଲାଗୁଛ ଯେମିତି ବହୁଦିନର ପ୍ରୀତିକର ପରିଚିତା |୫|
ଯେବେ ତୁମେ ଦେବ ମୋ ପ୍ରେମକୁ ସ୍ଵୀକୃତି,
ନେବା ଶ୍ରୀଜୀଉ ଗୁରୁଜନଙ୍କ ସୌହାର୍ଦ୍ଦ ସମ୍ମତି,
ପବିତ୍ର ବନ୍ଧନ ପାଇଁ ଆବଶ୍ୟକ ଏହି ଅନୁମତି,
ଆଗାମୀ ଜୀବନ ରେ ସୁନିଶ୍ଚିତ ହେବ ପ୍ରଗତି |୬|
କେମିତି କରିବି ତୁମ ସୌନ୍ଦର୍ଯ୍ୟ ସ୍ତୁତି,
ପ୍ରଚେଷ୍ଟା କରୁଛି ଭିନ୍ନ ବିଭିନ୍ନ ପଦ୍ଧତି,
ବିଦ୍ୟମାନ ଅଛି ତୁମ ପାଖେର ସୁମତି,
ଏହା ଲାଗୁଛି ଏକ ଅପାସୋର ଅନୁଭୂତି |୭|