ସିଧାକଥା-39 ଧିକ ମୋ ଜୀବନ

ଧିକ ମୋ ଜୀବନ ହେଲି ଧନ ଧନ କରିନି କାହାକୁ ଦାନ,

ଧିକ ମୋ ଜୀବନ ପାଇ ଯଉବନ ହେଲି ଖାଲି ବଳବାନ |

ଧିକ ମୋ ଜୀବନ ନିଜ ପ୍ରିୟଜନ ମନ କିଣି ପାରିଲିନି,

ଧିକ ମୋ ଜୀବନ କଲି ହଇରାଣ ଗୁଣୀ ଗୁଣକୁ ନ ଚିହ୍ନି |

ଧିକ ମୋ ଜୀବନ ବୃଦ୍ଧ ପିତା-ମାତା ସେବାରେ ଦେଲିନି ମନ,

ଧିକ ମୋ ଜୀବନ ମାତୃଭୂମି ପ୍ରେମ ହେଲାନାହିଁ ଜାଗରଣ |

ଧିକ ମୋ ଜୀବନ ମାତୃଭାଷା ପ୍ରତି ମମତା ଆସିଲା ନାହିଁ,

ଧିକ ମୋ ଜୀବନ ଜୀବନଟା ଯାକ ପରକୁ ରହିଲି ଚାହିଁ |

ଧିକ ମୋ ଜୀବନ ଭାଗ୍ୟଦୋଷ ଦେଇ ଦୁଃଖ ବୋଝ ନେଲି ବୋହି, 

ଧିକ ମୋ ଜୀବନ ପରସୁଖ ଦେଖି ପାରୁ ନଥିଲି ମୁଁ ସହି |

ଧିକ ମୋ ଜୀବନ ଅହଂକାର ବଶେ କହୁଥିଲି କଟୁଭାଷା,

ଧିକ ମୋ ଜୀବନ ମାୟାରେ ବୁଡ଼ି ମୁଁ ହରାଇଲି ସବୁ ଆଶା |