असं का व्हावं ?

वेलीवरचं फुल खुंटावं,

ते असच कोमेजून जावं,

पुन्हा दुसर फुल उमलाव_ _ _ _

असं का व्हावं?

           नदीचं पाणी सागराला मिळावं,

           तलावाचं पाणी आम्ही रिक्त करावं,

           पुन्हा पावसाने तलाव भरावं _ _ _ _

               असं का व्हावं?

पहाटेचं गुलाबी स्वप्न पाहावं,

सूर्याच्या किरणांत न्हाऊन निघावं,

पुन्हा दुसऱ्या दिवशी तेच घडावं _ _ _ _

असं का व्हावं?

           शितल प्रकाशात मनं रमावं,

          पौर्णिमेच्या चंद्राने हसत राहावं,

         पुन्हा हसत प्रेमिकांना सुख द्यावं _ _ _

            असं का व्हावं?

कधी सुख यावं, कधी दुःख यावं,

जुन्या आठवणीतच गुंग राहावं,

पुन्हा पुन्हा निसर्गाचं चक्र फिरावं _ _ _ _

असं का व्हावं?