पावसातले खेळ

ये रे ये रे पावसा शाळा सुटल्यावर 

धम्माल करु मग आम्ही तुझ्याबरोबर 

रस्त्यावर साठलेल्या पाण्यात आम्ही मारु उडी

मोबाईलच्या गेममधे मग वाटणार नाही गोडी

एकमेकांच्या अंगावर उडवू आम्ही पाणी

आनंदाने गाऊ आम्ही पावसा तुझी गाणी

वाॅटर पार्कच्या पाण्यात नाही येतं एवढी मजा

खेळू आम्ही मोकळ्या हवेत जरी मिळेल सजा

कागदाची होडी करुन सोडू आम्ही पाण्यात 

होईल आनंद जेव्हा होडी तरंगेल दिमाखात 

होडीच्या मागुन जातं होऊ आम्ही ओले चिंब 

मजा येईल जेव्हा पाण्यात दिसेल आमचं प्रतिबिंब