प्रेमाची ओंजळ

आईची प्रेमाची ओंजळ 

होत नाही रीती 

सतत जाणवत असतात

तिच्या प्रेमाच्या स्मृती

वडीलांची प्रेमाची ओंजळ

सदा असते भरलेली

धाक आणि कर्तव्याच्या

मागे कायमच लपलेली 

आजी आजोबांची ओंजळ

भासते निर्मळ झ-यासारखी

झुळुझुळु वहात रहावी

होऊ नये पारखी

प्रियकराच्या प्रेमाच्या ओंजळीत 

असतो गुलाबी रंग

 हवासा वाटतो सहवास

असतात एकमेकांत दंग

पतीच्या प्रेमाच्या ओंजळीत

सदैव असावा ओलावा

आयुष्यभर वेगवेगळ्या रुपात

वाटतो हवा हवा