વિશ્વાસ

આજ કરું વિશ્વાસ ને?

એવું કે ભરું તને શ્વાસને.

 

બને એમ પણ બને

હું જ તરછોડી દઉં મને..

 

દરિયાની રેતીમાં પગલા માડું ને..

મોજાની મસ્તીને ભીતરમાં ઝાલું ને...

 

બને... એમ પણ બને,

હું જ તરછોડી દઉં મને.

 

વાદળી બની વરસ્યા કરું ને.

લાગણી આ ભીની તરસ્યા કરું ને.

 

બને... એમ પણ બને

હું જ તરછોડી દઉં મને.

 

બંદગી માટે હાથ ફેલાવ્યા કરું ને..

ગગને દ્રષ્ટિ નાખ્યાં કરું ને.

 

બને... એમ પણ બને.

હું જ તરછોડી દઉં મને.

 

આંગણે ઉભી રાહ જોયાં કરું ને.

કાગ ને માથેથી ઉડાડયા કરું ને..

 

બને... એમ પણ બને.

હું જ તરછોડી દઉં મને