શું, કહો ?
શું, કહો ?
1 min
6.6K
હાથમાથી આ સરે છે શું, કહો ?
આંખમા એની તરે છે શું, કહો ?
હું અહીં છું બિંબ પણ તો છે અહીં,
રાતદિન ત્યા આ ફરે છે શું, કહો ?
વાયદો છે રોજ મળવા આવીશું,
કોક પૂછો એ કરે છે શું, કહો ?
હું વિખૂટો પાડુ મારાથી મને,
તો ય મારામા ઘરે છે શું, કહો ?
થઈ ગયાં છે ખાખ સઘળાં ઝાડવા,
ગુંદ જેવું આ ઝરે છે શું, કહો ?
સાથ જો આપી શકે તો આપજે
ઠોકરે દુનિયા, ડરે છે શું, કહો ?
વાત 'જોગી' જીવવાની હું કરું
રોજ ભીતર આ મરે છે, શું કહો ?