હે વીણાવાદિની...
હે વીણાવાદિની...
હે વીણાવાદિની, મયુરવાહિની,
તું જ જગમાં તારણહારિની;
ધવલા વસ્ત્રધારિણી,
વંદુ તુજને શીશ નમાવી.
હે વીણાવાદિની...
બ્રહ્માના કમંડલમાંથી પ્રગટી,
વસંતપંચમીના દિને જન્મી;
થઈ તું ગંગાની જન્મોત્રી,
કૃપા વરસાવી ૠષિઓ ઉપર ને,
સંસ્કૃતિ પ્રાંગરી.
હે વીણાવાદિની...
જ્ઞાનીઓની આદ્યદેવી,
તું લક્ષ્મીજીની પ્રિય સહેલી;
દીપ જ્ઞાનનાં પ્રગટાવી,
અંધારું મીટાવે જગમાંથી.
હે વીણાવાદિની...
કંઠે વસનારી તું મધુરી,
સુવાસ જ્ઞાનની ફેલાવી;
જ્ઞાનની ધારા વહેવડાવી અવનિમહીં,
જગમાં કરે ન્યાલ તારી અમૃત વાણી.
હે વીણાવાદિની...
સંગીતના સૂર રેલાવનારી તું,
આલાપમાં લય કરનારી તું;
ગીત ગુંજાવનારી અખિલ બ્રહ્માંડ તું,
ને, તા-તા થૈ નૃત્ય નચાવનારી સર્વ સૃષ્ટિમાં તું.
હે વીણાવાદિની...