જીવનનું બારણું
જીવનનું બારણું
1 min
13.5K
ખોલી જ્યાં જોયું જીવનનું બારણું,
ઓરડા અંદરથી નીકળ્યું આંગણું !
દુઃખ મળ્યું તો સાવ ગભરુ ગાભણું,
સુખ મળ્યું તો એય પીટ્યું વાંઝણું !
ઝંખનાને જો જરા ઝીણી કરો,
દોરડું પણ લાગવાનું તાતણું !
આપના માટે હશે બે-ચાર ક્ષણ,
મારે મન તો કાયમી સંભારણું !
એમ અંબોડો આ શોભે જેમ કે:
ચાંદનીની બાટલી પર ઢાકણું !
એટલે ટાંગી છે મેં માની છબી,
રોજ મળતું રહે મને ઓવારણું.
ગાય છે સંજોગ હાલરડાં 'નિનાદ',
ને સમય સૂતો છે બાંધી પારણું !