ગઝલ છે કવિની રચના કે કવિ ગઝલની ?

વિચાર હું કરું છું લેખનનો કે વિચારે છે લેખન મને ?

કલાકો વીતી ગયા છે, બસ આ જ વિચારતાં વિચારતાં,

શબ્દો હું ગોઠવું છું કે ગોઠવે છે શબ્દો મને ?

દિવસો વીતી ગયા છે, બસ આ જ વિચારતાં વિચારતાં,

પંક્તિ હું રચું છું કે રચનાકાર છે તે મારી ?

વર્ષો વીતી ગયા છે, બસ આ જ વિચારતાં વિચારતાં,

પ્રાસ હું શોધું છું કે પ્રાસને શોધ છે મારી ?

દાયકો નીકળી ગયો, બસ આ જ વિચારતાં વિચારતાં,

ગઝલથી અભિવ્યક્ત થાઉં છું હું કે ગઝલ મારાંથી ?

જીંદગી નીકળી જશે આખી કદાચ, આ જ વિચારતાં વિચારતાં.